XERMOLANDO ALLOS NA AULA ROSA

Como estamos a agardar que medre o céspede que sementamos no noso xardín e polo de agora non podemos pisar, trasladamos as tarefas de horto á aula. 

A semana pasada, a profe Lucía trouxo moitos allos á clase. 

Tocámolos, ulímolos e debullamos os seus dentes. 

Despois ensartámolos en pauíños e metémolos en auga. 

Por último deixámolos colocados en auga como vedes nas fotografías, ao sol.

Esta semana observamos o que lles ocorreu: Medráronlles uns "pinchiños" por embaixo e comezou a agromar unha plantiña por enriba.  

Allos from biblio BN on Vimeo.

A mestra explicounos que "os pinchiños" chámanse raíces e é por onde a plantiña toma a auga e mais os nutrintes que, xunto co sol e osíxeno que collerá cando lle medren as follas, serviranlle para fabricar o seu propio alimento.

Para finalizar observamos, medimos e anotamos nunha folla de rexistro toda a información recopilada ate o momento.